Hundsverlochete
Fr 11. und Sa 12. Hornig 2005

im glaine Saal vo dr Mäss Basel
e Fescht vo Fasnächtler fir Fasnächtler!

D Pfyffer und d Streifer freye sich ganz spitzbiebisch, e zwaiti Hundsverlochete akinde z derfe.

S Konzäbbt isch unverändert: Wie an dr Fasnacht sin Fäsnächtler glyychzytig Publikum und Protagonischete. Spiilerisch wird dr Graabe zwische Biini und Saal iberwunde, musika-lisch wämmer ys yystimme uff unseri drei scheenschte Dääg und die aint oder ander Ent-wiggligsmeegligkeit vom Drummle und Pfyffe uffzaige. Ironie, Satire und Witz selle nit z kurz ko und nit z letscht wärde mer e Feschtli lanciere, dass d Zapfhääne gliehe und sich d Bängg biege.

Also, bisch en aagfrässene Fasnächtler, sin Dir s Drummeli-Foyer, dr Sancho Pansa und dr Antygge-Käller im vorfasnächtlige Zämmehang e Begriff und muesch fir d Fasnacht nit e ganzi Wuche vorschloofe, denn bisch an dr Hundsverlochete richtig.